利華古遜官方宣佈，從拿坡里引入25歲西班牙左後衛米基爾古泰利斯 Miguel Gutiérrez ，簽約到2031年。據報導轉會費 2600 萬歐元 + 400 萬歐元 add-ons，將會取代轉投馬德里體育會嘅基馬度嘅位置。

舊年夏天先以1800 萬歐元轉會費加盟拿坡里嘅米基爾古泰利斯，會同基朗拿舊隊友亞歷斯加西亞（Aleix García ）重逢。利華古遜總監路菲斯表示佢嘅技術好，而且進攻意識強，非常適合球隊。

至於拿坡里，史賓尼蘇拿喺六月底簽咗新嘅兩年合約，另外奧利華拉如無意外會留隊，因此左後衛都有足夠人選。