日前於馬來西亞為楊明、莊思明婚禮任司儀的莊思敏、黃建東今（6日）於香港出席公開活動，莊思敏被問到做幾多人情給妹妹莊思明時，她笑言：「5位數字，係小5位數嚟，都係一啲心意。」由於莊思敏於婚禮上誤將「合法丈夫」錯口説成「合法妻子」，訪問期間她都不忘自抽一番，笑言還送了一句說話給一對新人，並指當晚該婚約問答其實是要找牧師去講，但因Wedding Planner找不到牧師，才由她去講：「我講嘅時候都滴晒汗、晒頭，真係一個口誤嚟。」

黃建東則指曾一度以為自己講錯嘢，莊思敏講錯一刻，他都未能第一時間發現，莊思敏則指自己將感動位變成全場大笑，問到有無因此被長輩訓示？她謂：「好彩無，一對新人都ＯＫ，我嘅補鑊方法只好補多封人情。」

莊思敏於社交平台大晒在馬來西亞拍攝的水着照，問她是否因講錯嘢派福利，她指派福利應派錢，她只是見當地陽光普照所以影靚相。楊明、莊思明之後將於香港搞大型結婚派對，問莊思敏會不會再做司儀，她謂：「未收到通知，應該唔做，不過，應該唔使再問嗰個問題，咁我再做都比較合適嘅。」