【娛樂新聞】蔣祖曼考獲寵物美容文憑 自爆拖延症等足5年先領證：想搵錢搞小生意.蔣祖曼（Joman）近日在社交平台宣布順利考獲寵物美容文憑，不過佢同時自爆一個搞笑嘅「拖延症」小插曲——原來佢2020年已經開始上堂、2021年考完試，結果呢張證書足足等咗5年，直到尋日先正式返學校領取。佢晒出領證相片同當年實習舊照，笑言自己「勁冇記性，永遠都係留到最後仲慢慢剪緊嘅學生」，又話有啲當年幫佢剪過嘅狗狗可能已經變成老人家，希望佢哋依然生活得開心快樂。

Joman接受訪問時透露，考寵物美容文憑係因為自己好鍾意動物，想多方面了解呢個行業，而且嗰陣養咗12隻貓狗，就算唔做生意都可以幫佢哋美容。問到會唔會開寵物美容店，佢話要睇機緣，希望自己搵到錢搞啲小生意，但現階段會繼續喺幕前打拼多啲，之後再諗其他嘢。唔少網民紛紛留言恭喜，大讚佢又靚女又有愛心，仲話佢手勢有板有眼。TVB