【娛樂新聞】游嘉欣換新髮型晒仙氣靚相 空氣劉海配藍色印花長裙獲網民激讚.游嘉欣（游游）喺TVB熱播新劇《夫妻的博弈》中，同馬國明飾演一對「豪門兄妹」，憑百變造型同率真性格成功引起關注。私底下游游活躍於社交平台，不時分享日常美照。日前佢晒出一輯仙氣靚相，驚喜展示全新髮型，令人眼前一亮。

相中見游游身穿一襲藍色露肩印花長裙，配上空氣劉海，舉手投足散發優雅氣質，企喺藍色背景牆前大擺可愛甫士，配上甜美笑容，即時融化大批網民嘅心。粉絲紛紛留言大讚新髮型好襯佢：「靚得冇得頂」、「越嚟越靚女」！游游近期因《夫妻的博弈》角色人氣急升，加上呢次造型大變身，再度成為網民焦點。TVB