【娛樂新聞】TVB「秘書王」葉凱茵病後復工近況曝光 曾患妊娠毒血流產險中風 身形消瘦但精神飽滿.TVB「秘書王」葉凱茵入行逾20年，早前參加《中年好聲音4》雖然落選，但佢淚灑舞台嘅真情剖白觸動無數觀眾。近日葉凱茵在網上分享最新近況宣布復工，相中可見佢精神飽滿，但身形明顯消瘦一圈。佢發文透露早前身體不適：「今日返公司開工，開心、感恩！💜見到同事們佢哋話我瘦左，其實我係因禍得福😅之前因為身體唔係幾舒服，所以清減左啲🙏」又自言人到中年更注重健康，飲食比以前注重，日常規律都比以前乖，強調「健康比一切重要」。

葉凱茵2009年下嫁從事眼鏡生意的商人，2011年誕下兒子Orson，但佢曾懷第二胎，惟在臨盆前三星期患上突發性妊娠毒血症，險些中風，最終痛失胎兒。當時佢情況危急，輸足三包血，血壓高企多日引致頭暈，肝腎功能下降，視力模糊，眨眼有閃光，直至三個月後才慢慢復元。全靠丈夫和兒子的支持，葉凱茵慢慢振作起來，今次復工獲大批網民留言打氣，祝佢身體健康。TVB