【娛樂新聞】阮兆祥無懼Fun Coffee騙局陰霾 陪母飲茶兼派錢行善 .阮兆祥（祥仔）近日無辜捲入「Fun Coffee」億元投資騙局風波，但無損佢孝順向善嘅心。《東周刊》獨家直擊，祥仔帶住需由外傭推輪椅嘅母親及女親友，現身一間屋邨酒樓歎茶。席間言談甚歡，食飽後祥仔主動埋單並殿後護航。離開途中，佢見到一位老人家喺烈日當空下坐地吹奏樂器討錢，即二話不說打開銀包拿出現鈔放入對方籃內，更上前親切問候。祥仔一向熱心公益，經常為慈善活動做司儀及落區派飯送暖，今次身體力行展現善心。

事件源於警方日前揭發一間聲稱總部位處越南富國島嘅咖啡投資企業「Fun Coffee」涉嫌進行龐大詐騙，目前接獲225宗報案，涉及損失總金額高達9,400萬元。祥仔因去年12月底曾為該公司馬拉松活動擔任大會司儀，被捲入風波。佢已火速發文澄清，強調當日僅為比賽主持，講稿以比賽為主，絕無涉及產品介紹或促銷，完成工作後與該品牌再無任何聯繫。儘管仍有網民不滿，但祥仔平日的善心與孝舉，相信能令負面新聞盡快消散。TVB