璀璨之城丨張曦雯升呢做劇后男神拱照 張智霖相隔12年助陣
張曦雯繼與袁詠儀（靚靚）拍完《模仿人生》後，現時她跟視帝陳豪、劉佩玥及馬貫東等正趕拍新劇《俠醫》，據知此後將與靚靚老公張智霖（Chilam）及吳卓羲首度合作，拍攝陳維冠監製的新劇《璀璨之城》（暫名）。
今次是Chilam繼劇集《衝上雲霄II》後，相隔12年再為無綫拍劇，劇集將於澳門取景拍攝。有指他與卓羲飾演豪門世家出身的兄弟，而張曦雯及高海寧本是好閨蜜，與兩位男神有糾纏的感情線，後來她們因同時愛上同一個男人，導致姊妹反目。
各演員做足保密工夫，未有透露《璀》劇細節，Chilam日前接受訪問時說：「係接咗套劇，但所有嘢唔方便講住，一切有待之後劇組公布。」張曦雯亦說：「我拍完《俠醫》係要開另一套新劇，但詳情要留待公司公布，其實我都好想挑戰古裝劇，但擔心古裝對白自己未必講得好。」至於高海寧則指之前有聽聞會接拍新劇：「不過暫時點安排我都未知，始終要完成《新聞女王2》拍攝先。」
提到老公張智霖將開拍《璀璨人生》，與張曦雯及高海寧結片緣，袁詠儀笑說：「唔應該由我把口去講，不過我應承咗張曦雯帶佢去澳門食嘢。我老公喺屋企睇劇本睇得好投入，相信今次角色應該幾吸引。」
