港姐2025｜曾閔遙稱愛睇《愛回家》問有咩演員 反應措手不及
.
21歲港姐候選佳麗5號曾閔遙（Elysia)今日（11/8）現身電視城出席《2025香港小姐競選》分享會。Elysia接受《香港01》訪問時表示：「其實我參選嘅原因係想挑戰吓自己，想跳出自己舒適圈，同埋我都想代表吓曬黑咗有健康嘅膚色都可以代表靚。而我點解膚色會咁黑，係因為我好鍾意戶外運動，例如攀石同水上活動。」
被問到想唔想加入娛樂圈發展？Elysia表示：「其實嗰一日我做才藝表演之後，發現自己原來都可以演吓戲喎，咁我都想經驗吓，如果有咁嘅機會。（平時睇開咩劇？）《愛回家》嗰啲。（愛回家有邊個演員？）哈哈，唔好咁樣考我啦，我呢啲記性好差㗎，哈哈。」
