港姐︱庄靜璟語出驚人：我性感着咩都性感
TVB[超话]
《2025香港小姐競選》 14位候選佳麗今日以自選服飾會晤大會評判，及「最上鏡小姐」評判。佳麗見評判普遍以斯文打扮見評判，惟獨（12）庄靜璟 （Vivian）著性感Deep V裙。
講到服飾相當性感？庄靜璟受訪說：「唔會，因為買咗呢條裙但係冇試過，今日着出嚟覺得都OK、好靚。（性感搶晒鏡？）唔會呀，大家都好靚，我性感着咩都性感。」語出驚人的庄靜璟連在旁的（7）施宇琪 、（9）陳詠詩也忍不住笑。
「我最喜愛佳麗」投票五強形勢變成最新走勢為1號李尹嫣、6號朱文慧、2號甘詠寧、9號陳詠詩和3號蔡華英。庄靜璟曾一度在網上投票中排第一位，但現在卻跌出五強，問到是否以性感拉票？她說：「唔係，我一直都冇特別拉票。」
7號施宇琪 （Angela）同樣近期跌出網上投票五強，她指沒有留意網上投票，又認為投票一定有起有跌。講到自她近日分享自己未減肥前的健碩身形「黑歷史」是否為了拉票？她說：「唔係為咗拉票，只係想激勵一啲對現狀唔滿意嘅人，自己用咗1年時間減咗18kg，好似脫胎換骨咁，無論最後結果係點，自己都覺得係贏咗、好自豪。」
9號陳詠詩 （Stacey）早前被揭有男友後，網上投票一度跌出五強，人氣急瀉，問到決賽男友會否到現場支持？她說：「唔會。（唔畀佢嚟睇？）唔係，因為得兩張飛，唔夠飛。（男友鼓勵打氣？）因為綵排都幾密，所以相處嘅時間都少咗，要靠自己調節。」
