【On.cc】張寶兒狂食甜嘢BB大得快 肥嘟嘟頂上橫膈膜
藝人張寶兒於今年6月在社交平台宣布懷上第二胎，她不時在社交網分享自己的懷孕感受，不經不覺寶兒已懷孕32周，昨日（21日）她更新社交網，拍片紀錄一下進入懷孕晚期的狀態，她表示：「人哋話第2胎個胎會大得快，個肚會更明顯，身形更加龐大，呢啲喺我身上全部都應驗。今日去做產檢，好感恩呢一胎，BB係好肯食嘢，所以各方都喺生長線嘅60-70%左右，生長得唔錯，而去到第3孕期會檢查下有冇妊娠糖尿，好在我係低風險嘅人，雖然我呢胎食咗好多甜嘢，每日幾乎都會食甜嘢，以前成日血糖低，咁佗呢一胎畀我一個借口不停食甜嘢，暫時冇影響到BB。」
張寶兒第二胎大得快，佢話BB係好肯食嘢。
生長線去到60-70%。
寶兒指由於肚子現時愈來愈大，已經頂到上橫膈膜，所以不能再抱起大仔袁咕碌了，她形容自己身體似小象：「覺得自己個身體好可愛，唔覺得係我嘅身體，點解可以咁腫，好可愛，好似睇緊第二件生物咁。」講到跟第一胎的分別，她稱比較容易流鼻血，而且胎動多好多，很活躍，經常見到BB的手仔及腳仔撐着她的肚皮，非常可愛。不過網民讚寶兒依然漂亮，並為她打氣:「辛苦啦，好靚嘅媽咪。」
好在張寶兒狂食甜嘢都冇妊娠糖尿。
張寶兒話BB已經頂到上橫膈膜。
不能再抱起大仔袁咕碌。
