韋斯咸尋日宣佈，聘請柏高（Paco Jemez） 作為一隊教練團成員，協助主教練紐奴。柏高同紐奴球員時代喺拉科魯尼亞做過隊友，當時係1997/98球季，退休之後柏高轉任教練，做個拉斯彭瑪斯、格林納達、哥杜巴等球隊嘅主教練。最令人印象深刻嘅一段執教經歷，應該係第一次帶領華歷簡奴，當時崇尚進攻、喜歡高位逼搶同將防線推前，即使面對強隊仍然堅持呢種風格，因此試過 1-5 、2-5 、1-6 、0-6 輸俾巴塞隆拿；亦都試過 0-5 輸俾馬德里體育會；又試過 2-10 大敗俾皇家馬德里，站喺普羅球迷立場，柏高嗰種有前冇後，打死罷就嘅風格非常有娛樂性，就睇吓佢嚟到韋斯咸點樣協助球隊走出困境。
