【On.c】陳展鵬分享育兒心得　錫老婆多過錫女

視帝陳展鵬昨日出席活動，跟幼稚園及小學校長分享育兒心得，有校長問：「錫太太單文柔定囡囡小豬比較多？」，他哈哈笑說：「係跳海問題喎，我兩個都錫。」不過他覺得囡囡是陪父母一齊學習的個體，但太太就跟他經歷結婚、生小孩及生老病死等人生大事，故會錫太太多些。問到可會接受女兒拍拖？他「口爽爽」表示接受，但問：「囡囡幾多歲嗰陣時先？」又諮詢現場其他家長意見，當有校長指應是18、19歲時，他似放下心頭大石，指囡囡現時只得7歲，故目前毋須考慮此問題。

他受訪時否認是呷醋爸爸，為囡囡揀讀男女校小學，都是想女兒盡早跟異性接觸，他指囡囡較成熟，不似自己兒時性格內向，他又自認是嚴父：「好彩第一胎生女，如果生仔，我對小朋友嘅管教會更嚴厲，依家知囡囡讀書辛苦，所以畀佢邊食飯邊睇電視，等佢放鬆吓。」

陳展鵬大送心心。

陳展鵬分享育兒心得。

陳展鵬否認是呷醋爸爸。

陳展鵬錫老婆多過錫女。