【On.cc】張曦雯重慶歎美食散心 粉絲激讚「香辣誘人」
無綫花旦張曦雯回復單身後，不時透過社交網晒出旅行散心嘅性感靚相，而日前去咗重慶旅行嘅佢，亦晒出多張沙龍級嘅街拍靚相，模特兒身材嘅佢，舉手投足間都猶如影緊雜誌封面，認真靚絕人寰。而昨日（27日），張曦雯亦晒出數張歎當地美食嘅照片，並開心透露：「Here to go on record that I had one of the best bowls of noodles I’ve ever had in my life today.」直言呢碗充滿辣椒及辣油嘅重慶麵，係佢至今為止，食過最好味嘅麵，引嚟唔少網友關心會唔會太辣之餘，亦有粉絲大讚張曦雯同碗麵一樣「香辣誘人」。
樣靚身材正。
大歎美食。
望落已經覺得超級辣。
粉絲大讚張曦雯「香辣誘人」。
